ابوذیات حسینیة

مجموعة من ابوذیات حسینیة
انشالله تنال اعجابکم


جبتـني ابعز تباري الضعن بدراك

عجب يم الشريعه غاب بـــــــدراك

عفتـني شــــــلون يا عباس بدراك

بين اعداك برض الغاضريــــــــــه

**************

عطاشه ونخن راعي الجـــود يردن

عذب ماي الفرات اليـــــوم يـــردن

سيوف الغـدرعا العباس يــــــــردن

يـبعـدن هيـبته او جوده عليــــــــــه

**************

يحادي الضعـن يم حسين ودنــــي

احط الراس يم الجســــــد ودنـــي

ذيـج الساع لو للموت ودنـــــــــي

بين اهل الشيم باالغاضريـــــــــه

**************

احس وياي حيــــــــدر مالي غيره

لعلي تـلوكـ الخلافه مالغيــــــــــره

خذاهه ابزغل ناقص مالغيـــــــــره

وصار اول خليفه ابن الرديـــــــه

**************

الي خلان ابي اتعـنه واصلها

واوشل دمعتي عليها واصلها

يلن الطيب ساس الهه واصلها

يرد لرض الغري وذاك الشفيه

**************

انوحن واجذب الونه على الراح

كضيت العمر بس اصفك على الراح

بغربه وما شفت ليله من الراح

من عفت النجف والبي حميه

**************

الارض هلت فرح هاليوم وسمه

ومن حسنه الحواري خذن وسمه

هبط جبريل زف الفرح وسمه

علي الكرار للشيعه هويه

**************

علـي بنـوط الولايــة العلي وســـماه

ولأجلهـم خلق هاي ألأرض وســماه

علـي أروع قصيــدة انقرت وأســــماه

راحـه لكل كلب ونتـــه شـــــــــــــجيه

**************

لـربــي ولـلـنـبـي ولـعـلـي وداي

ا لـباري للنـبي هـل الامـر وداي

بـلـغ يــــانـبـي هــل الامـر وداي

عـلـي هـو ا لـخـلـيـفه اعلى البريه

**************

يبو الحسنين جن وانس ياريت

ومن سيفك جيوش الكفر ياريت

متى ازورك يداحي الباب ياريت

اليه جناح اطير ابهل مسيه

**************

تظل اكلوبنـــه مخزنـــه لهنـــه ,,لها أنين

وجـــذب عنكم ليالينـه لهنـــــــه

أشـوكت ياسـيدي نرجع لهنــه؟؟

وبحضـرة علــي نلتــم ســـــويـه

**************

علي حبك باالبهر دم ويسري

تفزع دوم الي بعسري ويسري

ظاكت حيل يا حيـــدر ويسري

تفكه بجاه فاطمة الزكيه

**************

عــلـــي مـزوع حــبــه مـــن مـهـدنـه

وعـلـى درب ا لـمـجد حـيـدر مـهـدنـه

نــصـيح بـصـوت مـا يـظـهر مـهـدنــه

يـاحـيــدر طـــالـــت الـغـيـبــه عـــلــيــــــه

**************

نهض يوم الغدير احمد فتاها

الدنيا شما جنت حيدر فتاها

عبنه كبود اهل خيبر فتاها

ويعلم بالسما وفوكـ الوطيه

**************

أصيــــل وعدل التاريخ صحنـــــه

مـدام حســــــين ماننساش صحنه

شــيعة أشما يهزنه الظيم صحنـه

يحســـين انته مفتــاح القضيــــــــه

**************

جبت ليله وجبت رمله وسكنه

وكلبي ابيش اهيدنـــه وســكنه

تمنيت اللحد ينفك وســـكـــــنه

ونامن ويّ اخوي البي حميه

**************

انته الجان بيك الظهر ينشـــد

وسيفك جان عالعدوان ينشـــد

اخوك اوحيــد بالميدان ينشـد

لو عباس حي يلحك عليــــــه

**************

بطا ياحيــــف يا عباس ورداك

أخافن عالشريعه حضــر ورداك

يخويــه ما أريـــدن ماي ورداك

أروه بشوفتك يابو الحمــــــــيه

**************

أضل انحب عليك الليل ونهار

أريدك ما أريدن ماي ونهــار

كفيلي جان راعي الجود ونهار

حيلي من رحل راعي الحميه

**************

أحب طبعك واحب شعرك ونسلاك

أثر شعرك تبعنه احنه ونســــلاك

أنته السيف للشــــــده ونســـــلاك

أحارب بيــــك عدوان الزكيه

**************

عجيبه اعلى النهر للحين ونصار

بلايه معين ضل حسين ونصـــار

سلوتنه بفكـــــد عباس ون صار

وتضل طول الدهر ونه شجيه

**************

يداحي الباب ياحيدر علينه

بسمك عالامم كلها علينــه

أخبرك دارت اهل الشر علينه

أفزع شيعتك راحت ضحيه

**************

تحیاتي
الملکة