اخدر بالرموش

[center]اخدر بالرموش ابيوم التصدعليك
واحس ابقشعريره وروحي التجفل

هيج اسهام بيه اتصوب الدلال
ماتجرح جرح لابالعجل تكتل

اذا شعرك تحله الكون كله يدوخ
يتصاقط نجمنه والكمر يختل

مابالغ ابوصفك من اكون هيج
انه شفة الشمس صارت الطولك ضل

خصرك موطبيعي يشيب الرضعان
مر شوف عله راسي الشيب صاير جل
ابكلامك ماتسولف لاتدوخ ابهاي
انت العلميتة يغرد البلبل

يذهلني شعور بلا شعو احساس
احير انه شكلك لوعلي تجبل

اشوف ابنكل جدمك ركصيت الكاع
تكول اهلال عيد عليه من اتهل

الكاع اتغازلك جانه حالي شلون
خل ضلك علينه من تمر ييصد
من مريت امس شايب تغزل بيك
ابن اربع طعش الروح بيه اترد

كلك سيف تجرح وين ماصديت
اظن ليل ونهار ابسيفك انت اتحد

والاحد/وحق البست والجمعه /والاحد
غيرك مادخل فكري /والاحد
اضل اهواك بس انت/والاحد
اموت ومن ترد الروح بيه




من كتاباتي
الشاعر ابوسيف العويسي