ابوسيف العويسي المشرف العام
عدد المساهمات : 89 السٌّمعَة : 0 تاريخ التسجيل : 20/12/2011 العمر : 49 الموقع : الفرات الاوسط
| موضوع: مجموعة دارميات الأربعاء يناير 11, 2012 1:23 pm | |
| كالو تشوف احباب من ترف عينك *** رفت عليك الروح بس انت وينك
صاير طبع بالناس تنسة اليبعدون *** بس انة ما انساك لوتعمة العيون
مو سهلة انسى الصار مو سهلة انساك *** عندي البشر انواع وانت اغلى الانواع
الدنيا للتهواه تركَص إمفرعة *** وآنه تجيني بموس وتكَلي إبلعه
شماتي مو شمات شماتي ورطه *** نصهم أمن وإجرام والباقي شرطه
شماتي مو شمات شماتي سبعه *** والثامن صغيرون يأشر بصبعه
مو هينة انسة الراح اتجاوز الصار *** ليهسة كلبي يذوب ملتهبة بي نار
لو ترش مو تيزاب لو تزرع الغام *** اللحم خله ايروح اوصلك عظام
للخوة ما خليت بس انت عنوان *** تدريني اخاوي صكور ما خاوي غربان
زين انت عندك عين وتناطر احباب *** فگدت نضرها العين من لحظه الغاب
زين انته عندك روح ثاري انته بطران *** جثه آنه ثق بجفاك ما صحلي دفان
احبك حيل كلش حيل خلي الما سمع يسمع *** ايكولون القناعه اكنوز ليش ابحبي ما تقنع
الدنيه شوف اشلون تفتر يهالناس *** ابتعد عني الجان ابين الانفاس
سهم الهجر جتال يالفاركتني *** شكلك ضميرك يوم ميت عفتني
شمات مو شمات شماتي اخوتي *** حتى امي يا هلناس تتمنى موتي
شمات مو شمات شماتي اشرار *** فوك الكبر ويصيح ياربي بالنار
كل ساعه مو كل يوم منتظرك اني *** والشوفتك يهواي احسب ثواني
راح انا ارد عليج مريومه عيني *** شايب ورد اصغير لمن تجيني
يسالني البطران اعربلي كان *** حسبالة مثل العام عقلي بمكانة
كل يوم اكول اليوم هلبت يجيني *** ياناس اريد هواي مشتاكه عيني
جر سمجة من الماي وباوع عليها *** هيجي اني روحي اتصير من ما تجيها
هاك إخذ كلبي بساع يابن الحموله *** ولو رايد خذها الروح لجلك عموله
كرمالك افدي الروح يأبرني ألبك *** وتعرفني انته منيح أديش أحبك
ياحبي وين الكاك وين انتو صرتو *** شاب الكلب والراس لمن رحلتو
الشعب مو مسكين الشعب ساذج *** ليش انتخب مرتين نفس النماذج
كلبي شكثر مشتاك يتمنه يمك *** يكضي الوكت شبكات عبالك امك
رحت وتركت الروح تسالني كل يوم *** احبابي راحو وين ما منهم علوم
بين المحبة اكتاب خليني صفحة *** لو سطر هم ارضيت بس لا تمسحه
ملينة صار سنين هذه بجيكم * *** لو صدك بي ذرات بين عليكم
هذا الشعب مسكين يتقشمر بساع. *** مايدري بالمستور حتى الهوا انباع
تتكبر انت هواي يا عمي كافي *** اثكل يبعد الروح موجنت حافي
تعبني گلبي هواي يوميه هوسه *** كلما يشوف حليو ايگله بوسه
شكلك حلو يفلان شكلك مصيبه *** وإلما هواك بيوم ضايع نصيبه
ناشدت ما خليت حتى بالمهاد *** ليش الصديق يخون من ياكل الزاد
اسود لبستي ليش مات التحبين *** لو صار الحزن موديل ويعجبج تلبسين
| |
|
الشاعر نصير الفتلاوي
عدد المساهمات : 23 السٌّمعَة : 1 تاريخ التسجيل : 14/01/2012 العمر : 40
| موضوع: رد: مجموعة دارميات السبت يناير 14, 2012 3:24 am | |
| | |
|
المدير المشرف العام
عدد المساهمات : 43 السٌّمعَة : 1 تاريخ التسجيل : 19/12/2011 العمر : 49
| موضوع: رد: مجموعة دارميات الجمعة يناير 20, 2012 5:12 pm | |
| شكرا لك اخي العزيز كلمات غاية بالروعه لك اجمل تحياتي واشواقي
| |
|
الملکة
عدد المساهمات : 104 السٌّمعَة : 3 تاريخ التسجيل : 20/12/2011 العمر : 35
| موضوع: رد: مجموعة دارميات الأربعاء يناير 25, 2012 3:43 am | |
| الله الله روووووووووووووووعه وربي عاشت ایدک عمو دمت لنا بحفظ الله تحیاتي
| |
|