لاتزع حقد قصيده

لاتزرع حقد ازرع حنان وطيب
الحنظل تعتقد طيب عطر ورده

بلسانه الرسول اموصي بلجيران
وانت ابوجه اخيك بابك تسده

الاخو موبل حجي ولا عل نسب محسوب
الاخو اليحضر الخيه ابساعة الشده

الاخو موش الي يجرح فوك الجروح
الاخو عكال العجيد العايل يرده

الو يبعد سبر ادنه ليه اذراع
ومثل ضلك احسبه وبالك اتبعده

ذليل العاش عمره وماله خوان
ايدك هم تصفك لو بقت وحده

فشله منل ضمير يموت الكدام
وبركبة اخيك سيفك تحده

يوسيف بل نسب كومه اله خوان
تالي انباع بيع اوجنه ماعنده

عباس الوفه من عنده اخذ عبرات
لان حتى الوفه مايوفي ابكده

البروحه يضحي وكال عندي قصور
كاع الحظنته ماتقبل اتهده

رفض يوصل الخيمه واخته اليه تشوف
لان سبع الشريعه ومنكطع زنده

من كتاباتي
الشاعر ابوسيف العويسي

» قصيده غزل مدري شنهو البيك